Վերջին Նորությունները

ԶՊՄԿ-ն տարեսկզբից իրականացրել է ավելի քան 2.4 միլիարդ դրամի սոցիալական ներդրումներ
Ոլորտը հանրապետական մամուլի էջերում

    Զանգեզուրի պղնձամոլիբդենային կոմբինատը լինելով երկրի խոշորագույն տնտեսական միավորը կարևորում է ոչ միայն կոմբինատի ազդեցությունը երկրի տնտեսության վրա, այլև կոմբինատի ունեցած դերը մեր համայնքների կյանքում։

   Ընկերությունը կորպորատիվ սոցիալական պատասխանատվությունը համարում է իր ամենօրյա աշխատանքի անբաժանելի մասը և դրա կարևոր կոմպոնենտներից մեկը սոցիալական ներդրումներն են։

   Այս տարվա առաջին կիսամյակում ԶՊՄԿ-ն ոչ միայն վճարել է աննախադեպ ավելի քան 104 մլրդ դրամի հարկեր՝ ավելի քան երեք անգամ գերազանցելով խոշոր հարկատուների ցուցակի հաջորդ ընկերությունը, այլև հունվար-հունիս ամիսներին սոցիալական տարբեր ծրագրերում ներդրել է ավելի քան 2.4 միլիարդ ՀՀ դրամ։ Այս գումարը համարժեք է խոշոր հարկատուների ցանկի 50 երորրդ հորիզոնականից ներքև գտնվող ընկերությունների վճարած հարկերին։

   Գեոպրոմայնինգ ընկերությունների խումբը կարևորում է թափանցիկության, հաշվետվողականության դերի բարձրացումը ոլորտում եւ պարբերաբար ներկայացնելու է ԶՊՄԿ-ում իրականացված սոցիալական ներդրումների մանրամասները։

   2022 թ. հունվար-հունիս ամիսներին սոցիալական ներդրումները իրականացվել են հետևյալ ուղղություններով.

  • Աջակցություն համայնքային զարգացման ծրագրերին՝ ավելի քան 650 000 000 դրամ
  • Աջակցություն սոցիալապես խոցելի խմբերին՝ ավելի քան  765 000 000 դրամ 
  • Աջակցություն համայնքային բարեգործական, կրթական և այլ կազմակերպություններին՝  մոտ 310 000 000 դրամ
  • Աջակցություն սպորտին՝ մոտ 250 000 000 դրամ
  • Աջակցություն մշակութային կազմակերպություններին՝ մոտ 160 000 000 դրամ
  • Սոցիալական շինարարություն`  մոտ 280 000 000  դրամ
  • Աջակցություն բուժ հաստատություններին՝ մոտ 58 000 000 դրամ

   Այս ընթացքում իրականացված ծրագրերից արժե առանձնացնել Կապանի մարզադաշտի հիմնանորոգումը, Քաջարանում մանկապարտեզի վերանորոգման աշխատանքների մեկնարկը, Քաջարանի երեխաների համար ամառային ճամբարի կազմակերպումը, համայնքային սուբվենցիոն ծրագրերի շրջանակներում ճանապարհաշինական, կապիտալ վերանորոգման և այլ ծրագրերի իրականացումը։ 

   ԶՊՄԿ ղեկավարությունը կարևորում է համայնքների հետ սերտ աշխատանքը սոցիալական ծրագրերի իրականացման, սոցիալական կարիքների և առաջնահերթությունների համատեղ վերհանման ուղղությամբ։ Միաժամանակ ընկերությունն աշխատելու է սոցիալական ներդրումների առավել ծրագրային ընթացակարգերի մշակման՝ բարեգործությունից՝ երկարատև ազդեցության ծրագրերի ներդրման ուղղությամբ։ 

Նյութի աղբյուրը՝ ejc.am

ՔԱՋԱՐԱՆՑԻՆԵՐԻ ԱՆՈՒՐԱՆԱԼԻ ՆԵՐԴՐՈՒՄԸ

2022-ի առաջին կիսամյակում Զանգեզուրի պղնձամոլիբդենային կոմբինատի վճարած  հարկեը կազմել են պետական բյուջեի ընդհանուր հարկային մուտքերի ավելի քան 10%-ը

 

«Զանգեզուրի պղնձամոլիբդենային կոմբինատը» (ԶՊՄԿ) երեկ հաղորդագրություն էր տարածել, որ այս տարվա առաջին կիսամյակի տվյալներով արձանագրել է 104 մլրդ դրամի հարկային մուտքեր։ Ընկերության հաղորդագրության մեջ սա ներկայացված էր որպես աննախադեպ ցուցանիշ։

 

Թե ինչո՞ ւմն է այդ  աննախադեպությունը, ejc.am  կայքը փորձել է մեկնաբանություն ստանալ կոմբինատի գլխավոր տնօրենի առաջին տեղակալ Վարդան Ջհանյանից։

 

   -Հաշվետու ժամանակահատվածում, այսինքն 2022թ. առաջին կիսամյակում ԶՊՄԿ-ն ունեցել է Հայաստանի պատմության մեջ մեկ ընկերության կողմից երբևէ գրանցված ամենաբարձր ցուցանիշը՝ հարկային մուտքերի մասով։ Առաջին կիսամյակում ԶՊՄԿ-ի վճարած  հարկերը կազմել են պետական բյուջեի ընդհանուր հարկային մուտքերի ավելի քան 10%-ը։ Սա, իսկապես, աննախադեպ ցուցանիշ է և ի ցույց է դնում ԶՊՄԿ-ի դերը Հայաստանի տնտեսության համար։

 

-Ինչո՞վ է պայմանավորված նման ցուցանիշի գրանցումը:  

 

   -Կարծում եմ, գործոնները տարբեր են։ Թեև դեր է խաղացել նաև հարկային բեռի բարձրացումը՝ արտահանման հարկման ռեժիմը, որն ուժի մեջ է մինչև տարեվերջ: Ուզում եմ հատուկ ընդգծել, որ առաջին կիսամյակի ցուցանիշը գերազանցել է նույնիսկ ԶՊՄԿ տարեկան գրանցած ցուցանիշները։ Սա նշանակում է, որ գրանցված ցուցանիշը աննախադեպ է՝ անկախ հարկային ռեժիմից։ Կարծում եմ՝ սա ողջ թիմի, ԶՊՄԿ անձնակազմի արդյունավետ աշխատանքի արդյունքն է։ Ընդհանրապես, ԶՊՄԿ- ի և Գեոպրոմայնինգ ընկերությունների խմբի անդամ մյուս ընկերությունների աշխատանքի արդյունավետության բարձրացումը թիմի առջև դրված առաջնային խնդիրներից է։ Հատկանշական է, որ այս տարի խմբի մեկ այլ ընկերություն, Ագարակի պղնձամոլիբդենային կոմբինատն առաջին անգամ բարձրացել է հարկատուների ցանկի 7-րդ հորիզոնական։

 

-Բացի հարկային մուտքերից, ի՞նչ այլ դրսևորում ունի Ձեր նկարագրած արդյունավետության բարձրացումը։ 

 

   -Ես կարծում եմ դեռ վաղ է արդյունքների մասին խոսել, ես, համենայնդեպս չեմ շտապում ամփոփել, քանի որ խոսում ենք երկրի ամենախոշոր հիմնարկի մասին, և հապշտապ որոշումներ, արագ լուծումներ չպետք է կիրառվեն, բայց այս պահին կարող ենք արձանագրել, որ առաջին կիսամյակի արձանագրած արտադրական ծավալների տեմպը պահպանելու դեպքում կգրանցենք տարեկան մոտ 20-25% ավելի արդյունահանման ծավալ նախորդ տարվա համեմատ՝ բացառապես մեր լիցենզիայի շրջանակներում և բացառապես արդյունավետության բարձրացման շնորհիվ։ Խնդիրները շատ են, բայց դրանք ճիշտ գնահատման և առավել արդյունավետ լուծումների կարիք ունեն։ Գեոպրոմայնինգ ընկերությունների խումբը ընդամենը ինն ամիս է, որ ստանձնել է ԶՊՄԿ կառավարումը և ես կարող եմ ասել, որ այս պահին գրանցված արդյունքները գոհացնում են, բայց անելիքներ  դեռ շատ կան։

 

-Այդ թվում՝ բնապահպանակա՞ն խնդիրները, դրանց լուծում տեսնում ե՞ք։

 

   -Վստահեցնում եմ, որ բնապահպանական խնդիրները մեր առաջնահերությունն են։ Մենք այժմ գտնվում ենք խնդիրների գնահատման փուլում, և դրանք շատ են։ Շատ բան արվում է հընթացս, մենք ներգրավել ենք հայաստանյան և արտերկրի մի շարք բարձրակարգ մասնագետների, ընկերության բնապահպանների թիմը նույնպես պորֆեսիոնալ  է։ Սակայն, խնդիրները պետք է ճիշտ ձևակերպվեն։ Տարիներով կուտակված խնդիրների լուծման համար անհրաժեշտ են զգալի ռեսուրսներ, զգալի միջոցառումներ և տեխնիկական վերազինում։ Այս ամենի իրականացման և   փոփոխությունների արդյունքների  համար ժամանակ է պետք։

ՀՈՒԼԻՍԻ ԵՐՐՈՐԴ ԿԻՐԱԿԻՆ ՄԵՐ ԵՐԿՐՈՒՄ ՆՇՎՈՒՄ Է ՈՐՊԵՍ
ՀԱՆՔԱԳՈՐԾԻ ԵՎ ՄԵՏԱԼՈՒՐԳԻ ՕՐ

   Խոսք՝ շնորհավորանքի և երախտիքի

   Հանքագործի և մետալուրգի օրվա առթիվ ջերմորեն շնորհավորում ենք հանրապետության հանքարդյունաբերության և մետալուրգիայի ոլորտի բոլոր աշխատողներին, վետերաններին, կադրերի պատրաստման գործի մասնագետներին, դասախոսներին, ոլորտում ներգրավված, նրա կայուն ու անխափան գործունեությունն ապահովող ընկերությունների կոլեկտիվներին, մաղթում քաջառողջություն, աշխատանքային և անձնական հաջողություններ՝ հանուն մեր երկրի տնտեսական զարգացման և մեր ժողովրդի բարեկեցության:

   Սիրելի բարեկամներ, մեծ է հանքարդյունաբերության ու մետալուրգիայի մասնաբաժինը հանրապետության էկոնոմիկայում, ինչպես նաև անուրանալի է ձեզանից յուրաքանչյուրի անձնական դերը երկրի տնտեսության համաչափ ու կայուն զարգացման գործում: Ձեր այդ շնորհակալ գործում մաղթում ենք քաջառողջություն և մասնագիտական ու անձնական նորանոր հաջողություններ:

 

ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ

ՄԵՏԱԼՈՒՐԳՆԵՐԻ ՄԻՈՒԹՅԱՆ ԽՈՐՀՈՒՐԴ

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: info@miningmetal.am

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 46-22-29

Հասցե: Հայաստան,Երևան,Արտաշիսյան 10